لحد امتى

لحد امتى
لحد امتى حتفضل تعصى ربنا ؟
انت مش عارف ان ربنا شايفك ومراقبك فى كل خطوه بتخطيها ؟!
"ونحن أقرب إليه من حبل الوريد"
انت معاند ليه ؟ هى دى حاجه فيها عناد ؟!
ربنا شيفك ؟
ممكن تكون الرساله دى اخر رساله تجيلك ؟
قبل ماتموت؟ انت عارف انت حتموت امتى؟
انت لو جالك مرض الدكتور قلك خلاص انت حتموت بعد شهر مفيش حل هو شهر حتعيشو وكل وظائف جسمك حتوقف ! حتتخد صح ؟
حتعمل ايه حالك حيكون ازاى فى الشهر ده؟
اراهن انك مش حتسيب المسجد ! ولاحتسيب المصحف وحتعمل كل حاجه تتعمل عشان ربنا يرضى عنك صح ؟!
طب انت دلوقتى واثق كام فى الميه انك مش هتموت الشهر ده ؟
50% ولا40% ولا 0% ؟
انت لو مت دلوقتى حالك حيكون ازاى؟
انت عارف اليعيش على حاجه بيموت عليه
وخلى بالك
المرء يموت على ماعاش عليه ويبعث على مامات عليه
يعنى ايه ؟!
يعنى انت حتبعث على ماعشت عليه !
خد بالك وركز
يعنى لو انت عايش على معصيه وبتخطط ليها اليوم كلو وترسم وتخطط
(يااااااه امتى بقى الليل يجى والكل ينام امتـى ؟؟؟)
وتعد اليوم كلو تفكر امتى الليل يجى عشان تعصى ربنا
وانت عارف ان الله عزوجل لاتاخده سنه ولانوم
حتموت
على المعصيه دى ال انت معتاد تعملها كل يوم وحتبعث عليها
اسئل نفسك كده دلوقتى سيبك من الموضع واسئل نفسك ؟
هو انا عايش على ايه؟
انا ..انا عايش على معصيه ولا انا عايش على طاعه ولا انا عايش على ايه ؟
انا ..انا من اولياء الله المطعين لله العابدين لله
ولا انا
من اوليا الشيطان
الا شغلين وقتهم كلو تخطيط يااه ياترى بقى امتى حينزلو وحتبقى الشقه فاضيه
امتى؟؟
ها انت مين فيهم انت عايش على ايه
انت مين ؟
الموت جيلك فى اى وقت
ارجوك فتح مخك انت حتعيش كام سنه ولا كام شهر ولا كام اسبوع ولاكام يوم ولاكام ساعه ولاكام دقيقه .. والموت يجيلك وياخدك للخالق الجبار
حتبعث على ايه
ياريت تعيد نظر فى الموضوع وتفكر انت حتموت على ايه واعرف ان الدنيا دى عمرها قصير والله
واخيراً ارجو ان تستفاد اخى الكريم من الموضع وتفكر وتراجع نفسك ...
واعرف ان الله سبحانه وتعالى معاك فى كل وقت ومراقبك
الاتستحى ايها العبد ان تفعل المعصيه وخالقك يراك ؟
والله اعلم

شكرا على مرورك محمود