الفرق بين الولد والبنت فى الميكروباص

السلام عليكم

الفرق بين الولد والبنت فى الميكروباص

نحب يجماعة نناقش الموضوع دا

بيحصلنا كلنا ف المواصلات

وهي هي نفس التعليقات

ونفس ردود الافعال

فكل مكان

وكل زمان

طلاما اللي انت راكبو يندرج تحت اسم ( ميكروباص )

ايه باه اللي بيحصل ؟؟؟

ما تيجو نشوف

أولا :-

طبعا وانتا بتوقف الميكروباص وياسلام لو مافيش مكان

لو انت بنت يادوب تبصي بس بصة استعطاف لأي بأف قاعد هايقوم ينط يعد في ضهر السواق عشان تعدي

انما بقا لو انتا ولد شوفلك اي حتة اترزع فيها او انشالله تتشعلق مانتا اساسا مالكش أهل يخافو عليك

ثاني حاجة :-

طبعا وانتا طالع كتير مننا ممكن يخبط راسه في الباب

طبعا لو كنتي بنت هاتلاقي اللي بيقولك خير حصلك حاجة ؟؟؟ من كل الركاب وممكن طبعا
تلاقي اللي ممكن يقوم يضرب السواق

انما بقا لو كنت ولد... اسمع بقا اللي يضحك عليك واللي يقولك ايه اتعميت ؟؟ .. يا لطخ تستاهل شوف كنت بتبص فين والكلام دا طبعا

تالت حاجة :-

وانتا بقا بتقفل الباب وطبعا السواق بيقولك اقفله بالراحه كأنه هايتكسر في اديك مانتا بقا رامبو

طبعا لو كنتي بنت وبتقفلي بالراحه خالص وممكن الباب مايتقفلش يقولو شوفو الرقة حتى الباب مش هاين عليها تخبطه بالجامد

وياعيني عليك لو كنت ولد والباب ماتقفلش .. ايه ياعم النايتي مش قادر تقفل الباب اتفو على دا جيل

.... ولو قفلت الباب بالجامد بقا

لو كنتي بنت طبعا هايقولو معلش اكيد متعصبة شوية ربنا يعينها على اللي هيا فيه

انما لو كنت ولد : ايه الطور دا خلاص ياعم عرفنا انك فاندام بس بالراحه ع الباب

رابع حاجة :-

طبعا ممكن يجيلك تليفون وانتا قاعد في الميكروباص

لو انتي بنت وانتي بتقولي الو ياسلااااام الله يا جماعه على صوتها شوفو
الرقة يابخته المحظوظ اللي بيكلمك ولو معاها موبايل معفن ياسلام ع التواضع

انما بقا لو كنت ولد اللهي يجيلك ضربة انتا واللي بيرنلك دلوقتي وطي ياعم صووت ام
صوتك صرعتنا والله عرفنا انك معاك زفت موبايل ولو الموبايل معفن .. وكمان بتتعايق
بموبايل معفن امال لو كان موبايل عدل شوية كنت عملت ايه

نمرة خمسة :-

لو انتا بقا طالع والسواق مشغل اغنية بيئة ومعلي الصوت بقا وانتا عايز تتكلم في الموبايل

طبعا لو انتي بنت القانون بيديكي الحق الكامل انك تقوليله وطي الكاسيت او اطفيه ( قانون ساكسونيا طبعا)

انما لو ولد هاتلاقي السواق من غير ما يرد عليك يادوب يبصلك بصة بقرف ويلف وشه
تاني ويعلي الصوت كمان ويفضل يبرطم بقا انتا هاتشترينا بأم النص جنيه اللي هاتدفعه

ساتت حاجة :-

طبعا بقا انتا وصلت الحمد لله بعد القهر والتفرقه العنصرية اللي اتعرضت ليه طول
الطريق عايز تنزل بتقول للسواق على جنب وطبعا لايمكن هايسمعك ماهو مشغل
الاغاني ومعلي الصوت على اخره

طبعا لو انتا ولد هاتقول مرة واتنين وعشرة وينزلك بعد الحتة اللي انتا عايز تنزل عندها
بشارعين تلاته وطبعا هايقولك ماسمعتكش مانتا اللي صوتك واطي زي البنات

انما بقا البنت يادوب كل اللي هاتعمله انها توشوش نفسها على جنب وكأنها
بتكلم نفسها هاتلاقي بقيت الاربعتاشر نفر اللي قاعدين في الميكروباص
بصوت واحد بيقولو للسواق على جنب ..... انتا اطرش ؟؟؟

خللي بالك ورد لحسن يقولك رد هو انت ماتعرفش تقرأ
ولا يقوليك ردي علي الموضوع وعيشي عيشة اهلك

نايس يا اسيرة فينك من زمان

يارب تتكونى بخير

نايس يا اسيرة بس انا بقترح نعمل ميكروباص للولد و ميكروباص للبنت
هههههههههه

هههههههههه فكرة حلوة سيف كنت لسا هقول كدة وميرسي علي مرورك الجميل

hmada كتب:: نايس يا اسيرة فينك من زمان

يارب تتكونى بخير

اهلا بيك يا حمادة ليك وحشة والله يارب تكون بخير دايما وميرسي علي مرورك الجميل

اولا نايس توبيك يا اسيرة وبجد منورة المنتدى ويارب تكونى سعيدة بالتواجد معانا بس انا عاوز اقول حاجة

ليه البنت دايما بتبقى شايفة نفسها وفاكرة نفسها بقى ملكة جمال بلدهم وفى الاخر ممكن تكون جاية من تحت الجاموسة بردو يعنى عادى خالص

وانا عامة مش بركب ميكروباص كتير دايما تاكس يعنى الميكروباص دة نادر بس فى ايام الدراسة بينفع لاننا بنبقى صعب نلاقى تاكس فاضى وعاوز اقول حاجة انى انا لو شوفت بنت فى ميكروباص مش بعبر اهلها تتخبط تتحرق بجاز وسخ مليش دعوةت بيها هيا من بقيت اهلى يعنى ههههههههههههههه وربنا عرفوة بالعقل

ميكروباص اية وبتاع اية امال عربية بابا راحت فين انا مش بروح مشوار غير بيها تقولى ميكروباص ياعم دى موضة قديمة جدا الميكروباص دة خلاص انتها من الدنيا اسال الدنجوان حبيب قلبى اهو هو عارف انى مش بنزل وبروح مشوار غير بل عربية تقولو ميكروباص لالالالالا مش حلوة ولا البنات تعرف تركب الملاكى علشان ولا شغلة ولا مشغلة يبقى هيجيبو منين اكيد يقدوها ميكروباص هههههههه

هههههههههههههههه عندك حق يا على كده صح وكل كلامك صح يا حبى انت الصح دايما

تسلم يا قلبى

علي ده تبع مين اصلا برة

ههههههههههه
تسلم إيدك أسيرة

رفعتي راية البنات هههههههه
Razz

» الفرق بين الولد والبنت
» دلائل اكيده على ان البنت احسن من الولد وواخدها وضعها على الاخر
» مقارنة مضحكة بين الولد والبنت
» الفرق بين جهاز ليدوز فروست بتاع البنت والجهاز بتاع الولد
» كيف يرفع الولد ضغط دم البنت ؟