مش مصرى ..... بقلمى

قصيدة : مش مصرى


بلدك يا مصرى أمانة فى إيدك
تحافظ عليها تشيلها فى عينك
تحميها بقلبك وصوتك وبدنك
تفديها بروحك لو طلبت دة منك
وتظهر ولائك وطوعك بنفسك
وتكتب بدمك شهادة ميلادك
وتكون جندى راجل فى ساحة ميدانك
وتقول للعدو أنا فى انتظارك
وراح تحمى بلدك يا مصرى بذاتك
فى ايدك سلاحك وعقلك فى راسك
وإياك يوم تخرب يا مصرى فى بلدك
أو تسرق وتنهب وتفرط فى دمك
وتسمع كلامهم ويوزك شيطانهم
عايزين يخربوها ويقسموا فى حقك
ويحكوا فى تاريخهم عراقٌُ وبلدك
وتبقى يا مصرى كأنك فى بلدك
وتعيش غريب وتشحت فى حقك
وتمد إيديك لواحد يهينك ويذلك
ولو البطالة من إحدى مشاكلك
ساعتها هتبقى البطالة وراحتك وأمنك
واديك شوفت يوم الغضب بعينك ونفسك
فتحوا السجون وحرقوا فى بلدك
وانت بتنبح فى ساحة ميدانك
وبصوتك بتصرخ ليسقط نظامك
لحد أما سرقوا وحرقوا كيانك
وهربوا وفروا يرهبوا فى أهلك
وشاعوا وأذاعوا الذعر لأهلك
وبتحلف ما تمشى لحد ما تهلك
يا مصرى انت فاهم وواعى لكلامك
عشان تدى فرصة كبيرة لكلابك
مين فيهم يا مصرى كان حاسس بألمك
مين فيهم يا مصرى كان عايش لهمك
أكيد انت عارف اجابة لسؤالك
وأخيرا يا مصرى
مش مصرى اللى خرب فى بلدك
مش مصرى اللى حرقك وسرقك
مش مصرى اللى هرب مجرم فى سجنك
مش مصرى اللى جرحك وخانك
مش مصرى اللى هانك وضربك
مش مصرى اللى يحتج بطريقتك


تحياتى لكم
أخوكم حمادة جمال

الله الله على الشاعر بتاعنا

بجد جميل يا حماده

يارب دايما في ابداع يا جميل



تسلم ايدك يا حبي

تقبل مروري

بجد الله عليك قصيده فى غايه الجمال احييك

شكرا لكما على المرور بالصفحة ومروركم زادنى اشتياق

شكرا ليك يا حوده

رائعة

تقبل مرورى

مش مصرى اللى خرب فى بلدك
مش مصرى اللى حرقك وسرقك
مش مصرى اللى هرب مجرم فى سجنك
مش مصرى اللى جرحك وخانك
مش مصرى اللى هانك وضربك
مش مصرى اللى يحتج بطريقتك


فعلا عندك حق ده مش مصري
تسلم ايدك يا حماده
ودائما في ابداع وتميز
تقبل مروري

نايس تسلم