اهداء لجميع الاعضاء

اولا رأيك لا غبار عليه لازم كلنا نحترمو علشان ده رأي اخت جميلة ورقيقة اوى لينا

وعندك حق الردود كلها بتكون في خمسة فرفشة

بس لو فكرتي ليه كل الردود فيه خمسة فرفشة هتعرفي ان اي حد مننا بيقعد على النت بيهرب من الضغط العصبي اللي في حياتنا عايزين اي حاجة تنسينا مشاكلنا

لكن باقي الاقسام مش مجهولة ولا مهجورة وناس كتير بترد عليها

بس زي ما تقولي كده ان ممكن كسل الاعضاء اللي بتقرأة ومش بترد
وانا بصراحة عاجبني اوى نشاطك وبتمنى ان كل واحد من اخواتنا يكون زيك

سوري طولت عليكي بس طرحك للتوبيك ده عجبني اووووى لان دي حاجة لافتة النظر اوى

لكي فائق احترامي وتقديري

لكن ليه تكسلوا تردوا علي المواضيع الهادفة والمفيدة ومتكسلوش تردوا علي الالعاب البايخة دي


انا قولتلك يا شهد الناس عايزة تخرج من مود الضغط العصبي

واللي مش بيرد قليل لكن فيه كتير مننا بيناقش واي موضوع للنقاش كلنا بنرد

والله الموفق

ويااارب تكونى فهمتى قصدي

بجد انتو ليكم حق بس فعلا كل الاعضاء بتحاااااااااول تهرب من الضغط الى فى الحياه والمجتمع
بس ياااااااااااااارب يكون رسالتكم وصلت لكل الاعضاء وبجد فهمت قصدكم

موضوعك مش عاجبني خالص انت كده بتقولي اني احنا هايفين وانت مبتحبيش الناس الهايفه ادخلي منتدي تاني يكون جد وابقي نزلي موضوعات جد وشوفي هنرد ولا لا والدنيا لو كلها جد ومفيش ترفيه محدش هيعيش يا اخت شهد

انجل احنا كلنا اخوات ودي اخت ورأيها مهم اوى

والمهم ان احنا فهمنا قصدها

والمهم انتى عاملة ايه يا قمر هههه

وده راي يا حماده المهم انت عامل ايه انا تمام

يارب دايما بخير يا جميل ورأي يحترم يا اجمل سمر

تسلم يا حماده والله مش عارفه اودي جمايلك فين

هههههههه اوكـ

يلا اي خدمه يا حماده وعايزين نعمل قسم ترفيه تاني ههههههههههههههههههههههه

angle كتب:

موضوعك مش عاجبني خالص انت كده بتقولي اني احنا هايفين وانت مبتحبيش الناس الهايفه ادخلي منتدي تاني يكون جد وابقي نزلي موضوعات جد وشوفي هنرد ولا لا والدنيا لو كلها جد ومفيش ترفيه محدش هيعيش يا اخت شهد

اه يعني انتي قصدك الترفيه والهيافة تاخد التلاتاربع مثلا والجد ياخد الربع

خلاص الترفيه والهيافة هي اللي كسبت

نخليه موقع العاب بقي ايه رايك نقترح علي اخي حمادة كدة بدل مايعمل قسم ترفيهي تاني

وزحمة علي الفاضي نخليها موقع العاب احسن وهو هيكسب من وراه كتير

ايوه اهم حاجه المكسب انتي زعلانه ليه ما انا قلتلك شوفي منتدي يكون جد ادخلي عليه بدل من الهيافه دي انتي دماغك كبيره اكبر من الهيافه خليكي في الجد احسن ياجد اللعب عمره ما يزعل احنا في عصر اللعب يا اخت شهد

يا شهد ده منتدي يخص جامعة جنوب الوادي مش موقع العاب انا قولت قبل كده الناس بتهتم بالقسم الترفيهي علشان يخرجو من الضغط العصبي اللي في حياتهم

واحنا بنتناقش نقاش محترم

لاننا كلنا اخوات

والله الموفق

كلامها صح والله الناس كلها قاعدة فى خمسة فرفشة متيجو تشوفو الناس الى ضايفة مواضيع ولا عاوزين تفرفشو وبس تقبل مرورى

صح انا معاك يامستر حمادة المنتدي فعلا شكله هيقلب ويبقي منتدي العاب في الاخر

مدام انتوا عندكم ضغط وتعبانيين وبتيجوا المنتدي بس عشان تلعبوا خلاص خليه موقع العاب
وتولع الاقسام التانية ومدام حضراتكم مش مهتمين بالمواضيع الهامة واللي بيدخل الموضوع يقول نايس توبيك وخلصت القصة علي فكرة المنتدي كدة بيبقي ممل لما يبقي العاب بس طب مانا كنت روحت موقع العاب ما مواقع الالعاب كتير
وواضح ان كل الاعضاء عندهم ضغط عصبي بسم الله ماشاء الله عشان كدة بيطلعوا الضغط ده في الالعاب
بالرغم من ان
ابشوف منتديات فيها قسم للالعاب لكن في نفس الوقت عمري مادخلت علي منتدي معين ملقيتش فيه مواضيع جديدة والاقي ناس بتتناقش وناس تتكلم مش تقول نايس توبك والسلام عليكم علي كدة

اسفة علي طريقة الكلام لكن انا بقول اللي انا شايفاه واللي بيحصل فعلا
واذا كان كلامي فيه حاجة غلط او حد معترض علي كلامي فاختلاف الراي لايفسد في الود قضية
كل واحد وليه رايه

احترامي

الكلام ده صح يا حماده

وانا قلتلك الكلام ده

مسمعتش انى المنتدى هيفقد مصداقيته ولا بد
من تغيرات شامله فى الاداره حتى يرجع المنتدى لسابق
عهده

احترامى شهد