(طريـــــق الهدايه ) حلقات متجدده

بسم الله الرحمن الرحيم

السلام عليكم ورحمة الله وبركاته

منورين أول حلقة من طريق الهدايه

أعرف ان لو ربنا وفقك للدخول هنا انه عايزلك الخير وانه بيحبك
مينفعش يبقى ربنا بيحبك وباسطلك ايده وانت تخرج ..


خلى عندكم صبر ومحدش يبص لطول الموضوع ويروح خارج عارفكم انا

مش هياخد اكتر من دقيقة قراءة بالظبط إن شاء الله






..

هتفضل لحد أمتى كدا ؟؟
هتفضل لحد امتى مش بتصلى ..
ملكش فى اى حاجة غير فى سماع الاغانى
ملكش غير ملاغية البنات ع النت فى الشات والفيس بوك والمنتديات والعكس اللى بتستمع من محادثات الشباب
ملكش غير فى الفورجة على البنات اللى رايحة واللى جاية
ملكش غير فى الخروج والسهر والفسح والهزار ا
هتفضل لحد امتى بعيد عن ربنا ..
هتفضل لحد امتى متعرفش عن دينك حاجة

هتفضلى لحد أمتى كدا ؟؟
لحد امتى لبسك هيفضل كدا
لحد امتى هتفضلى تتكلمى وتهزرى ووتعاملى مع زمايلك الولاد بطريقة اوفر
لحد امتى هتفضلى عايشة مع الاغانى وتخليها هى حياتك
لحد امتى هتفضلى تخرجى مع حبيبك وتتكلموا وتسمحيلة بتجاوزات كتير بالقول او الفعل
لحد امتى هتفضلى مش بتصلى
لحد امتى هتفضلى تعرفى فى الموضة والجمال والدراسة والمجالات اللى بتحبيها
لكن متعرفش شئ عن اللى أسمة " الإسلام " اللى هو دينك

لحد امتى يا اخوانى واخواتى فى الله

ربنا بيقول
{اقْتَرَبَ لِلنَّاسِ حِسَابُهُمْ وَهُمْ فِي غَفْلَةٍ مَّعْرِضُونَ{1}
مَا يَأْتِيهِم مِّن ذِكْرٍ مَّن رَّبِّهِم مُّحْدَثٍ إِلَّا اسْتَمَعُوهُ وَهُمْ يَلْعَبُونَ{2}}
لَاهِيَةً قُلُوبُهُمْ

وبيقولنا كمان
{أَلَمْ يَأْنِ لِلَّذِينَ آمَنُوا أَن تَخْشَعَ قُلُوبُهُمْ لِذِكْرِ اللَّهِ وَمَا نَزَلَ مِنَ الْحَقِّ
وَلَا يَكُونُوا كَالَّذِينَ أُوتُوا الْكِتَابَ مِن قَبْلُ فَطَالَ عَلَيْهِمُ الْأَمَدُ فَقَسَتْ قُلُوبُهُمْ وَكَثِيرٌ مِّنْهُمْ فَاسِقُونَ }

يا ترى يا جماعة هنفضل كدا ؟؟
امتى هنتغير بئى

مبسوط (مبوسطة) بحياتك دى ؟



دنيتنا فانية
وعمرنا قصير جدا جدا

الموت بيجي فى لحظة
وممكن اللحظة دى تكون اخر لحظة ليك

عارف بتقولوا اية دلوقتى
اكيد بتقول انا لسة صغير وفية وقت اتوب

يا جماعة ادخلوا ع جوجل واعملوا سيرش
على وفيات الشباب

وعلى اليوتيوب وشوفوا مغلسين الموتى بيقولوا اية

بيقولوا ان اكتر حالات الوفاة اللى بتجيلهم فى سن مابين
18 الى 35

يعنى اعمارنا الحالية !!

ودا من علامات اقتراب الساعة
وهى الموت فجأة ودا ظاهر بشكل كبير حاليا كتر الحوادث
والموت فجأة للشباب

ادخلوا اعملو سيرش على اليوتيوب
وشوفوا اللى ماتوا وهم بيسمعوا اغانى
او اللى بدل ما يقول لا إلا إلا الله اعد يردد كلمات الغناء
واللى مات وهى بياخد حقنة مخدرات
واللى ماتت هى وصاحبها فى العربية

والعياذ بالله كلهم شباب فى اعمارنا

من مات على شئ بعث عليه

هتبعث يوم القيامة ادام ربنا يوم الحساب
وانت بتغنى ؟
وانت بتشرب مخدرات ؟
وانت مع صحبتك ؟


ياترى لو جالك ملك الموت دلوقتى هتبقى فرحان انك هتقابل ربنا ؟
ولا هتبقى نفسك ترجع وتقول يارب ارجعوون

اصلى ولو ركعة
اسبح ولو تسبيحة
اعمل اعمال صالحة

يارب
رجعنى
وانا مش هسمع اغانى
هبطل البس ضيق ومفتوح هيبقى لبسى ليك يارب مش للزينة وللشباب
هشيل توقيعي الحرام وهيشل صورتى الرمزية
هبطل اكلم ولاد واهزر معاهم ع المنتديات والشات والفيس

وهصالح امى وابويا وابقى بار بيهم
هبقى اخلاقى حلوة مع اصحابى وجيرانى

هبطل سجاير ومخدرات
هبطل ابص على البنات واعاكسهم
هبطل اعلق بنات من الفيس والمنتديات والشوارع

يااااااارب رجعنى والله يااااااااارب والله والله هعمل اعمال صالحة
وهعيش ليك وعشانك

بس هنا هنقف الحلقه دى
وانتظروا القادمه

نايس توبيك

تقبل مرورى

شكرا لمروركن بالتوبيك

نايس توبيك