عشرين جمله95% من شباب مصر بيقولوها للبنات

حبيبتى انتى عارفه انا مش بحب حركات الشباب الطايش انا اصلا مبكلمش بنات
وتلاقيه يعرف طوب الارض

يااااه ياحبيبتى انا حاسس انى اعرفك من زمان
وهوا تلاقيه متلخبط بينها وبين بنت كان يعرفها قبل كده

حاسس ان فيكى حاجه غريبه غير كل البنات
اكنها مثلا بتمشى على ايديها ورجليها

انا حاسس ان فى شبه كبير بين افكارى و افكارك احنا اكيد مخلوقين لبعض
اكيد دى البنت رقم 100 اللى بيقولها كده
وكأًن كل بنات الدنيا مخلوقين عشانه

حبيبتى انتى اول حب فى حياتى وانا حاسس انى اتولدت يوم ماقبلتك
على أساس ان والدته كانت حامل فيه 20 سنه وولدته قبل مايقابلها بيومين

يااه يا حبيبتى انتى تؤمرى وانا انفذ اللى انتى عايزاه اجبهولك
فى المشمش

حبيبتى الطقم اللى انتى لبساه ده تحفه بس متلبسهوش تانى عشان بتبقى حلوه وانا بغيييييير بغيييييييير
طبعا فاهمين الحركات دى تلاقيه مش عاجبه اساسا

هكلم باباكى اول ماكًون نفسي
موووووووووووت يا حمااااااااااار

عايز اشوفك كل يوم كل ساعه كل ثانيه
عشان اصحابه يتأكدو انها حلوه

حبيبتى افتكرى دايما انى لما بحب بحب بجد وانا حبيتك بجد من اول ماشوفتك وكنت بدور عليكى من زمااااااان
بففففففففف الاسطوانه المشروخه

انا علاقتى بيكى محدش يعرفها غيرى و غيرك و ربنا لانك بقيتى كل خصوصياتي
يعنى يا دوب اللى يعرفو اخواته و اصحابه و جرانه وقاريبه وصحاب صحابه.....الخخخخ

معلش ياحبيبتى مش هقدر اعدى عليكى بالعربيه النهارده علشان هيا فى التوكيل
طبعا عارفين شويه الفشخرة دول وهوا اساسا ماعندوش عربيه و اكيد ماعرفش يزوغ بعربيه باباه

ياحبيبتى انتى بتتكلمى فى أيه انا كل عطورى من فرنسا
ايوه زغلل عنيها ياواد

ياه لما بشوف رقمك على الموبيل قلبى بيتنفض
طبعا من الخضه انها تكون فأسته

فلان قالى اديله رقمك بس انا قلتله اقتلنى قبل ماتاخد رقمها منى
ياااااه على التضحيه وهى ياعينى رقمها مع مخاليق ربنا كلهم

حبيبتى عايز صورتك عشان قبل مانام اشاهد فى جمالك واحطها تحت المخده
لا وهو الصادق عشان لما يتخانقو يهددها بيها

اسف يا حبيبتى امبارح مقدرتش اكلمك كنت مشغوووول فى المذاكره
قصده معهوش فلوس او مشغول مع واحده تانية

اسف يا حبيبتى انى مقدرتش اجى فى المعاد امبارح كان عندى ظروف صعبه
معزور الولد افتكر معاد البنت التانيه اللى بقاله 3 اسابيع مأجله

عارفه يا حبيبتى انا طول الليل منمتش قاعد بفكر فيكى
بس على ميين ترد عليه تقوله اومال مين اللى كان نايم و مبيردش على
التليفون؟ بس كالعاده الرد جاهز............ياااه انتى تقصدي الخمس دقايق
اللى نمتهم دوول؟دول من كتر التفكير فيكى جالى غيبوبه

عارفه يا حبيبتى انا اصلا مش بفتح الماسنجر الا لما بتكونى موجوده اصلا النت من غيرك ما يسواش
يقصد مش بيفتح البلوك عنها الا اما تكون هيا بس الى اون لاين عنده

عشر جمل الولد بيقولهم للبنت بس لما يزهق منها وينفصل عنها لما يشوف واحده احلى منها

حبيبتى انا ماستهلكيش
هيييه وهوا ده حال الدنيا , الولد بيضحى علشان الدكتور قالوه هاتموت الاسبوع الى جاى فامش لازم يعذبها معاه

انا بعمل كده علشانك انتى
ايوه ماحنا عارفين باباها قالو لو ماسبتهاش هاحرمها من الميراث

انا هاسيبك علشان مش عاوز اى حد يتكلم عليكى نص كلمه
ياراجل وانت لسه فاكر دلوقتى مالبنت اتشحورت والحمد لله بسببك وخلاص الى حصل حصل

انا مش عاوزك تزعلى مني
يارااااجل وانت لما تسبها هاتعمل فرح وتدبح عجلين يعنى ؟!
لا والنبى هاتزغرد لولولولى الواد سابنى انا فرحانه

انا هاهاجر ومش عارف هارجع امتى
طب ماتخدها معاك يامعلم ولا هيا حجج وخلاص

أنا مانفعش ارتبط بواحده مشيت معاها
ياراجل ان شاء الله ربنا هايكرمك وترتبط بوحده مشيت مع نص شباب شبرا ومصر القديمه كمان

دا انتى احسن حد عرفته فى حياتى بس مش هاينفع نكمل
ترد هيا بقى وهيا بتعيط ئهئ ئهئ ئهئ ليه ليه ليه .. يقولها علشان خطرى انا ماستحملش دموعك ... وبرده مايقولهاش

انتى اكتر حد حبيته فى حياتى بس برده زى ماقولتلك مش هاينفع نكمل
لا تعليق

حبيبتى انا اكتشفت ان مافيش مابينا حاجه متشابهه
لأ بجد....بألو سنتين ماشى معاها وبعدين لسه مكتشف ده , الظاهر عليه كان بيكتشف مقبرة جديده فى اسوان ولا حاجه

والله ياحببتى انا مش وحش وبلعب بمشاعر البنات زى مانتى فاكرة بس هوا ده نصيبنا
لا ماهو واضح

نايس توبيك

هوه كلام جميل يا حماده بس عاوز أسألك سؤال
أنت عمل بكام وحده من دول بكل صراحه؟

انا مش معاك يا حماده بجد فى علاقات انسانيه كتير بتنتهى بجواز واعرف ناس كتير بس مش كل الناااااااس زى بعضها
مش معقول كل الشباب تفكرهم كده بس ع نفسى انا والحمد الله قبلت الشخص المناسب ليه
بس فى بنات كمان بيقولو نفس الكلام للشباب بس اقولك حاجه زى ما فى وحش فى هالدنيا فى حلو كمان
بس اكييييييييييد ربنا خلق الحلو اكتر ديه وجهه نظرى الى انا ه\عشت عليها لحد الان لحد ما قبلت شريك حياتى
تقبل مرورى

اوك خلاص الى انتى تشوفيه بس بنسبالى انا فى كتير

هههههههههههههههههههههه
جميله جدااااا يا مستر حماده تسلم ايدك
بس النسبه مووش مظبوطه بصراحه
النسبه الحقيقيه هي 99,9%
هههههههههههههههههههه
تسلم ايدك وبجد ضحكتنا

اوك الى انتى تشوفيه يا اميرة

هههههههههههههههههه توبيك جامد جدي