أهات من القلب

آهات في قلبي مش قادره اقولها
ولا اخبيها
آهات سكنت وجودى
آهات هدت كل حدودى

وانا اللى ماشية في طريق الشوك
وكنت بحسبه طريق ورود
ومن اليوم ده

وانا عايشة في وهم الحلم بالجنة
رغم ان الحقيقة ساعتها كانت باينه
لكن قلبى كان بيدارى ويخبى
وكان عايش في دور المستخبي
ناسي الحقيقة القاسية
لأنى حلمت حلم جميل بس ماطالشي
صحيت بسرعة وكان لازم مايكملشي
وبحاول اعمل نفسى ناسية
بس مابقدرشي





بتبدأ الحكاية بحب من قلب واحد
قلبى انا
حبيته مع انى عارفة ان قلبه مش لأى واحد
بس مع واحدة غيرى انا

مش ذنبى ولا ذنب قلبى إنى بجد حبيت
هيا دى الحقيقة اللى داريت عنها وخبيت
ياترى دلوقتى عرفت قد ايه انا اتعذبت وحسيت؟

انا ياما سهرت ليالى وكنت بتعذب
ولما تغيب بلاقى العمر يتسرب
طب جرب انت تسهر في يوم عشان خاطرى
كدا جرب




ارجوك بلاش تنطق ولا بكلمة

هتقول ايه؟

هتعاتبنى؟

والا هتقول كلام يوجعنى؟

دلوقتى عرفت سر تغييرى وصمتى
مع انه كان قاتلنى
بس ده اهون من كلمة قاسية منك تقتلنى

دموعى بتخنق البسمة اللى جوايا
وغصب عنى بيغلبنى بكايا
جراحى بتألمنى وتعبنى هوايا



مشيت وداريت
كتير لفيت بدور علي اللى تاه منى
كتير دورت مالقيتنى
ومش عارفة طريقى منين
لكن عارفة ماعمره هيبقى في حدودك

نايس توبيك