hold my hand ..: عضو فضي :..
عدد المساهمات : 463
نقاط : 16112
السٌّمعَة : 0
تاريخ التسجيل : 12/04/2010 العمر : 32
| موضوع: اخر البنات المحترمات ((هام جدا))222222 2010-04-23, 4:16 pm | |
| الحلقه الثالثه لم يغمض لاحمد جفن منذ ذلك اليوم, اولا هو لم يحاول اغواء فتاة من قبل ,على الاقل منذ بضعة سنوات ,فهو "سمعته تسبقه" في كل مكان,
ومنذ فترة لم يعييه الحصول على بنت , آلمه غروره ,
مع ان في الحقيقة لم يحدث امر يحرجه او يغضبه لان شيئا لم يحدث اصلا على الاطلاق ,
لكنه هو الوحيد الذي يعلم نيته ومراده , وقد جرح الامر كرامته امام نفسه فاقسم ان يصلح مظهره امام نفسه على الاقل. رأها , كانت جالسة وحدها , فرصة ذهبية ,
اقترب بخفة وجلس بجانبها على الكرسي ,
رفعت عينيها عن تليفونها المحمول الذي كانت تعبث به. ****************** جلست هبه تنتظر صديقاتها علي مقعد بالكلية,
لم تكن الكلية مزدحمة يومها ولا كان عندها محاضرات اصلاً, شعرت بشخص يجلس على المقعد غير بعيد منها ,
فرفعت عينيها عن تليفونها فاذا به احمد , ارتجفت , مالذي اتي به ,
اقتضبت ابتسامة سريعة علي فمها . ****************** احمد: هبه, ازيك؟ هبه: الحمد لله. احمد:قاعدة لوحدك ليه ؟ هبه:عادي. * قاعد انت جمبي ليه؟ * انتي هتردي كل سؤال بالعافية. احمد : امال اصحابك فين؟ هبه : لسه مجوش. احمد: طب ما تيجي تقعدي معانا لحد ما ييجيو. هبه: لا معلش هستناهم هنا عشان يلاقوني. * ايه البت الرخمة دي؟ احمد: طب هقعد انا معاكي لغاية ماييجو. * ييييه ياريتني قلتله ماشي. هبه: مبتشوفش شيري .
احمد وقد انبسطت اساريره لفتحهها موضوع للتحاور
احمد: لا والله من ساعة ما شفتها معاكي وهي مطنشاني , هي قريبتك؟ هبه : اه, من بعيد , هي طيبة اوي . احمد : فعلاً , هي بنت جدعة . ساد صمت محرج قليلاً *فكر ياواد يا ايمو متقعدش ساكت كده .
*ايه يا هبه ؟انتي خرسا ليه؟ عمرك ماكنتي رخمة كده ,فكي شوية اكيد حيقول عليكى معقده ,
بس انا عمرى ما اتكلمت مع ولاد كده ..
ايه هو انا حتكلم كلام خارج ... ابوس ايديك انطقى قولى حاجه.
هبه: انا شفتها النهاردة . احمد :هي مين دي؟ هبه : شيري . احمد : اه فين؟ هبه : لمحتها عند البوابة الصبح.
احمد التمعت عيناه , وقد اضائت فكرة برأسه
احمد: لما تشوفيها تاني قوليلها اني عايزها ضروري ,
ولا اقولك رني عليا وانا اجي اقفشها. هبه وقد فهمت مقصده وحاولت التهرب منه .. هبه : اه حاضر, ان شاء الله * ايه ده , هي تصيع عليا. فقال مباشرة احمد: انتي معاكي نمرتي.
شعرت هبه انه اسقط في يدها فهزت رأسها نفياً ,فبكل بساطة مقصودة
امسك تليفونها من بين يديها وسجل نمرته ورن على هاتفه وقال لها في "استعباط" تام احمد: اول ماتشوفيها رنيلي , انا همشي دلوقتي ماشي .
وانصرف عنها وهي تكاد تغلى غضباً مما فعل
* قشطة كدة. * ايه الواد البجح دا اللى انا عملته ده بس!!
الحلقه الرابـــعه
كريم: مالك يا بني, سيب الموبايل مش هتتصل. احمد: هي مين دي الي مش هتتصل. كريم: ها هاي الي انت مستنيها. احمد: انا مش مستني حد يتصل ,وبعدين مين قال انها مش هتتصل ؟ كريم : اهه يعني فيه حد هيتصل. احمد: وانت مالك اصلا ياغلس . ***************** هبه: شيري ....شيري .. شيرين: هوووووووبه. اقبلت شيرين وقبلت هبه على وجنتيها شيرين: انتي فين يا كلبة. هبه:انتى عالطول كده الشتيمه فى بقك , و بعدين انتي الي مبتسأليش . وبعد ان قاربتا على انهاء حديثهما قالت هبه
هبه: اه على فكرة , احمد امام عايزك ضروري . شيرين: ودا عايز ايه دا كمان ضروري كده . ***************** شيرين : انت ياواد انت. احمد: بت يا شيرين , ازيك انتي فين؟ شيرين: كنت مسافرة , ايه اخبارك؟ عايزني في ايه؟ احمد : عايزك ايه؟ شيرين :انت مش قلت لهبه تبلغني انك عايزني ضروري . احمد: لا انا .......أهههه....لا ولا تحطي في دماغك. شيرين: ايمو .... جري ايه , انت هتعط من ورايا؟ احمد : ههههه.. لا يا بنتي مفيش حاجة. شيرين: احمد يا امام انا بتكلم بجد ابعد عن هبه دي بنت ناس. احمد: هبه ايه وعيال ايه يا بنتي انتي , وبعدين ايه يعني بنت ناس هو انا الي كنت اعرفهم ولاد ايه. شيرين: لا دي مؤدبة ومش حملك لو فيه حاجه في دماغك ياريت تطلعها لو سمحت. احمد: يا بت بجد مفيش حاجة. شيرين : اصل انا مش عرفاك , ايه مالك؟ ايه الي هيموتك عليها كده , انها مؤدبة , وحياة ابوك تخليهالي كده دي امانة. احمد: يعني ما هو انا لو مستلمتهاش هيستلمها غيري , هي داخلة كلية شرعي؟؟. شيرين: ايمو ... عشان متخسرنيش , شوفلك حدوتة تانية اليومين دول. احمد: انا اقدرارفضلك طلب ياقمر. ****************** سارة : مين دا يا بنتي الي اداكي نمرته انتي بتهزري, دا واد تنك جدا وما افتكرش انه هيديكي رقمه. هبه: والله العظيم اخد موبايلي من ايدي كده بالظبط وكتب نمرته , اتصلك بيه يعني عشان تتأكدي. سارة: اكيد عشان كان عايز شيرين في حاجة , وعشان كده بس عمل كده. هبه: يا بنتي كان باين اوي انها حجة, انا مش هبلة. سارة : طب وانتي عملتي ايه بالنمرة؟ هبه: مسحتها اول ما مشي . سارة: يخرب عقلك انتي اتجننتي . هبه : يعني كنتي عايزاني اعمل ايه يعني؟ سارة : معرفش بس مكنتيش تعملي كده دى نمرة احمد امام يا بنتى . سكتت هبه قليلا ثم قالت هبه :و انا اعماله ايه يعنى , بس عموما انا حفظت النمرة قبل ما امسحها ***************** *جبت جون ياواد يا ايمو
| |
|
hold my hand ..: عضو فضي :..
عدد المساهمات : 463
نقاط : 16112
السٌّمعَة : 0
تاريخ التسجيل : 12/04/2010 العمر : 32
| موضوع: رد: اخر البنات المحترمات ((هام جدا))222222 2010-04-23, 4:24 pm | |
| دول حلقتين تانى كملو ويارب تكون عجباكم | |
|
amr ..: عضو خيالي :..
عدد المساهمات : 247
نقاط : 15789
السٌّمعَة : 0
تاريخ التسجيل : 14/04/2010 العمر : 31
| موضوع: رد: اخر البنات المحترمات ((هام جدا))222222 2010-04-23, 6:11 pm | |
| | |
|
moonlight ..: عضو برونزي :..
عدد المساهمات : 313
نقاط : 15787
السٌّمعَة : 3
تاريخ التسجيل : 20/04/2010 العمر : 34
الموقع : ارض الاحلام
| موضوع: رد: اخر البنات المحترمات ((هام جدا))222222 2010-04-23, 7:50 pm | |
| قصة جميلة اوى ومستنين باقى الحلقات | |
|
El Dingoan ..:: عضو سوبر ::..
عدد المساهمات : 2190
نقاط : 19688
السٌّمعَة : 8
تاريخ التسجيل : 12/04/2010
| موضوع: رد: اخر البنات المحترمات ((هام جدا))222222 2010-04-23, 11:48 pm | |
| قصه جميله جدا تقبلى مرورى | |
|