رسالة اب صعيدى الى والده

موضوع: رسالة اب صعيدى الى والده 2010-05-21, 12:44 pm

إلى ولدى الحبيب صميدة ..

أكتب لكِ الجواب ده عن طريق أخوك الباسمهندس المثقف مخيمر .. أنا بأقوله وأمليه .. وهو بيكتب ... و لو الجواب ده ماوصلكشى قوللى علشان أبعته مرة تانية .. أنا بأكلم أخوك الباسمهندس بشويش .. علشان هو كمانى يكتب بشويش .. لأنى خابرك ماتقدرش تقرا بسرعة !! ... الجواب ده حاأبعته مع أخوك عبد العال .. وهو نايم دلوقيت !! ... علشان إكده حاأحطه فى جيبه علشان ماأنساشى .. وهو كمان ماينساشى .. وأنت عارف أخوك عبد العال نساى ... علشان إكده لو نسى يديك الجواب ده ... مد يدك فى جيب جلابيته اليمين وخده !! ... الجو عندنا إهنه حلو قوى .. والدنيا ماشتيتش الأسبوع اللى فات غير مرتين بس .. المرة الأولانية الشتا والمية قعدوا تلات تيام بزييهم .. والمرة التانية قعدوا أربع تيام .. وعلى فكرة ياويلد ... البالطو القديم بتاعك اللى أنت طلبته حايتكلف كتير قوى فى الشحن علشان زرايره كبيرة وتقيله قوى !! .. علشان إكده أخوك الباسمهندس مخيمر ضربت فى نافوخة فكرة زين قوى .. وهى أن يشيل الزراير .. ويحطها فى أى جيب للبالطو !! .. وبالمناسبة أخوك بسطاوى لقينا له شغل زين .. وهو دلوقيت مسئول عن ييجى خمسميت نفر .. فهو المسئول الكبير عن نظافة العشب والزبالة من على قبورهم فى الجبانة ..
وأُختكِ مرزوقة حبلى .. ومانعرفش إذا كانت حبلى فى واد ولا بت .. علشان إكده ماعنقدرش نقولك حاتكون خال ولا عم !! .. وأختك مرزوقه قالت إنه لو كان ولد حاتسميه على أسمى أنا .. ودى أول مرة أسمع إن فيه حد بيسمى ولده ( أبويا ) !!!..
رحنا مع أخوك قرنى للمركز .. بس حصلت مشكلة كبيرة قوى .. علشان أخوك الغبى قفل العربية كلها .. والمفاتيح جواها .. وماكانش قدامه غير إنه يرجع البلد تلات ساعات رايح .. وتلات ساعات جاى علشان يجيب المفتاح التانى ... علشان يطلعنا من جوه العربية لأن الشبابيك كانت مقفلة وكنا حانتخنق جواها .. وست ساعات جوه عربية مقفلة أبواب وشبابيك كتير برضيك !! وأوعاك تنسى لو الجواب ده ماوصلكش
أبعتلى قوللى علشان أبعت لك غيره !!

أبوك الغالى
هريدى عتريس الفرشوطى

ملاحظة مكتوبة على الظرف : كنت ناوى أحط لك قرشين فى الجواب وماأفتكرتش إلا بعد ماقفلت الظرف

عزيزى القارىء ..

يارب لا أفاجىء فى الصباح بدعوى سب وقذف من أحد أخواننا الصعايدة !!! ... أو حتى حد يزعل فأنا زى ماقلت فى بداية المقال المقصود هو الحب والمناغشة .. وبعدين ماتنسوش أننى أنتمى الى محافظة فى جنوب مصر وهى حبيبتى قنا .. يعنى أنا صعيدى أكتر منكم بكتير ..

و يارب أكون أستطعت أن أرسم بسمة على شفاهكم .. وإلى أن نلتقى على الخير دائما .. فأنتظرونى ..

ههههههههههههههههههههههه جامده اخر حاجة
تقبل مروري

هههههههههههههههههه جامد الجواب دة اوى يااحمد خد بالك معظم اعضاء المنتدى صعايده يعنى ممكن يقرمشوك دة انت نفسك صعيدى تسلم ايدك يا احمد

هههههههههههههههه مش عارفة اضحك ولا ابكى اصلي انا تبع الصعايدة

معظم اعضاء المنتدى صعايد
وبعدين الصعايده احباب الله

شكرا يا صعيدى يا كبير وربنا يوفقك

ههههههههههه لابجد جااامدة اخر حاجة والله وياعم حمادة متتحمقش اوى على الصعايدة يعنى

» رسالة اب صعيدى الى ابنه
» صعيدى كاتب رسالة بالأنجش لصديقه ...!!!, أقرأ وعيش هههههههههههههه
» صعيدى غبى
» رسالة شعب
» رسالة الى امى وابى