مشاكل المدارس الفنية الصناعية

نحن طلاب المدرسة الفنية الصناعيه المتقدمة نظام الخمس سنوات تقدمنا للتنسيق وانتظرنا اعلان النتيجة وفوجئنا بالاتى :-

ارتفاع لم يسبق لة مثيل فى الحد الادنى للقبول بالكليات من المدارس الفنية الصناعيه المتقدمه . من الطبيعى ان الحد الادنى الثابت لكلية التربية النوعيه كل عام 75 % ولكن زاد الحد الادنى ووصل الى 85.6% بزيادة عن جميع الاعوام السابقة وقدرها 10.6 % وبمجموع وقدرة اكثر من 120 درجة فهل هذا معقول مع العلم بأن الحد الادنى للقبول من طلبة الدبلومات الفنية التجارية 5 سنوات 75 % للقبول بكلية التجارة ومن طلبة الدبلوم الفنى الزراعى نظام الخمس سنوات 75 % للقبول بكلية الزراعة ومن طلبة الدبلوم الفنى للسياحه والفنادق خمس سنوات 75 للقبول بكلية السياحه والفنادق ومن طلبة الدبلوم الفنى لترميم الاثار خمس سنوات 75 للقبول بكلية الاثار ارتفاع الحد الادنى لم يحدث سوى فى الدبلومات الفنية الصناعيه المتقدمه نظام الخمس سنوات فقط مع العلم بأن ايام التنسيق تم توزيع ورق علينا مع المظروف الخاص بالتنسيق وكان نصه كالاتى من حصل على اكثر من 75 % فلة مكان بالكليات الحكومية وايضا يوجد فى الكتاب الخاص بدليل الطالب للقبول بالجماعات صفحة رقم 67 بأن الطلاب الحاصلون على تقدير عام جيد جدا وبمجموع 75 % يتم قبولهم بالكليات الحكوميه ودا محصلش طبعا لان اقل كلية اخدت هى التعليم الصناعى ببنى سويف من 81.2 % مع العلم ان من حصل على 75 % من الاعوام السابقه جميعها دخل كلية التربية النوعيه وكمان وكيل شئون الطلبه فى مبنى جامعة قناة السويس قالى انه حصل خطأ فى نتيجة تنسيق الدبلومات الفنية ولو سكتوا هتضيعوا حقكم .... يا جماعة انا عاوز اعرف مين الناس اللى اتظلمت من الموضوع دا انا مسكتش واللى حصل دا ظلم انا ماشى مجاليش هندسه انا مجموعى 83.14 % دا مش مشكله بس التربيه النوعيه السنه اللى فاتت كانت بتاخد من 75 % ليه السنادى تاخد من 85.6% اللى بيحصل دا حرام واللى يسكت يبقى عبيط واهبل وبيضيع حقه انا بعت رساله لوزير التعليم العالى وبعت ايميلات لبرنامج العاشرة مساءا عمرو اديب و90 دقيقه و جريدة الجمهوريه وجريدة اخبار اليوم واشتكيت من الارتفاع اللى فى المجاميع لما كلية السنه اللى فاتت تاخد من 75 % والسنه دى تاخد من 85.6% بزيادة اكبر من 120 درجه كتبت شكوى على الكمبيوتر وطلعت على السنترال وقولت للى فى السنترال عاوز ابعتها لوزير التعليم العالى بعتتهالى وقالتلى روح كمان اعمل واحده ابعتهالك لرئاسة الجمهورية عملت وبعتتها ونزلت جرنال الجمهورية وكلمت صحفى هناك وقالى انه هينزل خبر عن الموضوع دا ورحت لنائب من مجلس الشعب وحكيتلو المشكله واديته الاوراق اللى بتثبت صحة كلامى ياريت المتضرر من الموضوع اللى حصل دا يدخل ويكتب وانشاء الله هنوصل لحاجه Question

باذن الله يا محمد السنة دي مجموع الكليات في المذارس الفنيه هيكون في اقل من المعقول نظرا لان مفيش سنة ثالثة ثانوي السنة دي ودي فرة كبيرة اوى لكل طلبه المدارس الفنيه ربنا يكرم الجميع
ومجهود رائع منك
تقبل مروري

فعلا يا حماده هو كان فى امل انى المدارس الفنيه السنه دى تدخل كليات مرتاحه جدا بس بعد الى حصل والوزير الجديد دة معتقدش انه فى امل

نايس توبيك يا محمد

والله حرام عليهم ده
والله والوزير الجديد ده شكله اهبل ولا ايه
اكيد فيه حاجه فى عقله
تقبل مرورى

نيس توبيك

اولا نايس توبك
ثانيا التعليم ده اصلا موضوع فاشل
علشان تقعد فى التعليم 15 سنه وكمان قابلين للذياده فانت من الافضل انك تنفض للتعليم خالص

التعليم ملئ بالاخطاء ومعظمنا يتجاهل هذا
التعليم ليس تعليم

يا جماعه بصو انا هاجيب من الاخر اللى ليه نفس للتعليم يتعلم واللى ملهوش عادى
ايزى جدا
وبعدين هى جت على التعليم فى حاجات كتير واحنا مش مهتمين بيها

والله حرام عليهم

القلب النازف كتب:: اولا نايس توبك
ثانيا التعليم ده اصلا موضوع فاشل
علشان تقعد فى التعليم 15 سنه وكمان قابلين للذياده فانت من الافضل انك تنفض للتعليم خالص

حرام عليك ليه التشاؤم ده خلي عندك امل santa

هههههههههههههههه

ما هيا \دى الحقيقه وربنا يا نور الصحى

سدقوني سدقوني
طمنتوني لأ بصراحة فيكم الخير

اطمنى يا حبيبتى مصر بخير

بعد دا كلو مصر بخير
عندك حق هو فيه خير اكتر من كدا ياختي

انا عاوز اقلكم حاجة اولا حكاية المتقدمة دى انصح اى حد ميدخلهاش

وعلى فكرة يا نور مش احنا الى بنبشرك الى احنا شايفينه دة هو الى بيبشرنا بانى مفيش تعليم يعتبر حاليا

لما الدحيحة الى بنقول عليهم موس يدخلو الثانوى وميجبوش 90 % يبقى دة اية كل حاجة باينة

نايس توبيكٍ

» إنجازات الثوره في المدارس