دلوقتى انا عاوزه اعرف الفرق بين
(الارتياح __ والاعجاب __ والحب )
الارتياح يعنى لما انا ابقى احب الشخص ده عشان اتكلم معاه
احب انى افضل اتكلم معاه واحكيله ويحكيلى
وحتى لو هنحكى ونقول اى هبل فى اى هبل
بس انا برتاح لما بكلمه
ببقى عاوز اشوف الانسان ده وافضل اتكلم معاه بس
ممكن يكون الارتياح ده مع واحد صاحبك
واحده صاحبتك
بين بنت وولد اصدقاء
المهم ان الارتياح ده حاجه جميله اوى لما بتكون بين اتنين
بس هل الارتياح ده معناه انى بحب الشخص ده
طيب منا ممكن اكون مش بثق فيه
بس بفرح لما بكون معاه
ولا انتوا رأيكوا ان انا مش هرتاح لواحد الا اذا انا كنت واثق فيه
طيب ما ممكن الواحد دا بيتصرف فى حياته هوا تصرفات
مش بتعجبك ولا بتحب تشوفها فيه
طيب ازاى بترتاحله ؟؟؟
الرد هيكون انا فعلا برتاحله
طيب انا كده بحبه ؟؟ طيب انا كده معجب بيه بس ؟؟؟
مش عارف
طيب نقطه الاعجاب
لما اشوف حد واعجب بيه شرط انى ارتاحله ؟؟
طيب ما انا ممكن اعجب ببنت من بعيد شايفها معايا فى الجامعه
ماشيه ولا بتاع وانا معرفهاش
وحتى مايجيش فى دماغى انى اروح اتعرف علليها
بس شكلها حلو .... او ممتازه فى دراستها .... او مؤدبه واخلاقها عالى ...
او شقيه وعنيه حلوه
اى حاجه ممكن انها تشد اى حد لاى حد
يبقى انا كده لو اتعرفت على الشخص ده هرتاحله
ولو ارتحتله وانا معجب بيه يبقى كده انا بحبه (شرط يعنى ؟؟)
طيب هل ممكن ارتاح لواحد وانا مش معجب بيه
او هل ممكن ارتاح لواحد وانا مش معجب بيه ؟؟؟
طيبه نقطه الحب بقى
انا هتكلم من رأى
الحب بيجمع كل حاجه حلوه بين اتنين
ارتياح ..اعجاب... حنان ..عطاء ..تضحيه
اى كلمه حلوه ممكن انت تكون عرفتها او حتى تتخيلها فى ذهنك
بتدخل ضمن كلمه الحب
السؤال بقى
هل ان انا ممكن ارتاح لواحد ومحبوش
هل ممكن اعجب بواحد ومحبوش
هلى ممكن ارتاح لواحد واعجب بيه ومحبوش
مش بتكلم عن الحب العاطفى بس
لاء الحب العاطفى بين ولد وبنت
والحب بين الاصدقاء والام وابنها وكل حاجه بتندرج تحت اسم الحب
مش عارفه
انتوا ايه رأيكوا ؟؟؟؟
2015-02-16, 11:52 am من طرف نور الضحى
موضوع: الفرق بين(الارتياح-والاعجاب-الحب) 
