رجالة اخر زمن

من غير هاى وباى عشان موضوع غايظنى

ولد وبنت بيحبه بعض اوى ومخطوبين
في يوم راحو مع بعض النادي ولاقو صحابهم هناك واعدوا سوا وعادى
ابتدي الهزار بالكلام ثم بالنظرات ثم بمد الايد !!!!!!
يعنى البنت اعدة عادى وبتضحك وفجأة تلاقي واحدة بتهزر مع خطيبها بالايد
موقف سخيف طبعا والمشكلة بقي ان خطيبها زاد في الهزار مع البنت وكده
وازيك ياواد ووحشانى يابت وتيكير يابيبي والحركات البايخة دي
وطبعا البنت كرامتها نئحت عليها وقامت مشيت
ولما راح وراها وقالها في ايه (قال يعنى مش عارف ) واجهته يقلها ياهبلة دانتى روحي
ياخى طلعت روحك

البنات
لو انتى في الموقف ده هتعملى ايه ؟؟؟
ولو خطيبك اتاسفلك وبعدين برضو زاد فيها بعد كده هتعملى ايه ؟؟؟
وممكن تهزرى مع صحابه بالطريقة دي ؟؟؟

الولاد
ايه الى ممكن يخليكوا تهزروا كده مع البنات ؟؟؟
وهتتعاملوا ازاى مع خطيبتك لو ادايقت والموضوع كبر ؟؟؟
ولو قالتلك سيب صحابك دول هتوافق ؟؟؟

اولا نايس على الموقف والرأى
ثانيا بقى انتى بتقولى دول اصحابهم يعنى هيا عارفه العلاقه بتبقى ازاى
وبعدين مش كل حاجه الشاب يعملها هتعملها البنت ومش هقول لانه ولد ويتصرف زى ما هوا عاوز بس البنت اى تصرف غلط بيرجع ليها هيا وشكرا ليكى

نـــــــــــايس توبك يا ريرى وانا اكيد رايى من رأى بدون اسم

اوك ماشي بس هو قال للبنت وحشتيني والبنت برضو قلتله يا بنات انا عايزه رايكم بقه

اولا نايس توبك يا ريري
ثانيا انا مش مع الشباب لاول مرة في الموضوع ده لاني مش هقبل ان خطيبتي تعمل زي البنت دي يبقي من باب اولي اني معملش كده
ثالثا مهما كانت علاقة الصداقة بين اولد والبنت لازم يبقالها حدود والموقف ده اعتقد انه عدي حدود الاحترام لانه بقي فيه استخدام ايد
رابعا لو انت يا احمد او امير او اي حد مننا خطيبته عملت كده مع حد زميلها ولا صديقها ولا حتي ابن خالتها الله يحرقهم بجاز كلهم هتقول ان الموضوع عادي وانهم اصحاب وكده اعتقد لا اكيد هنلاقي سريرين في العنايه المركزة واحد ليه وواحد ليها
ومن رايي انها تسيبه وتخلص بلا صداع تقبلي مروري يا ريري

بصراحه يا حماده مفيش غير كده

نايس توبك ياريري
بس انا مش ممكن اخلى خطيبتى او حبيبتى فى الموقف ده لانى انا كمان مش حابب اكون فى الموقف دة بس انا كمان لو قاعد مع اصحابى لازم هزراى معاهم يكون له حدود

انا طبعا مش موافق ان يكون فى هزار بين الولد والبنت بالطريقه دى لان انا لو هزرت مع بنت بالشكل ده محبش ان خطيبتى او حبيبتى تكون فى الموقف ده
وبجد نايس توبك يا ريري

نايس توبك
و انا راي من راي القلي النازف

ثانكس

انا راى من راى حمادة نايس توبك يا فنان