*لسه بحبك *

مكانك جوة قلبى يا حبيبى لسة فاضى .. وفى كل ثانية فاكراك وصورتك على طول قصادى

وقلبى مش موافق على بعدك ومش راضى .. والجراح ودموع عينية بقو بالنسبالى عادى

ليلاتى بدوق الويل من يوم ما سبتك ..وماندمتش فى لحظة انى عرفتك

بجد وحشتنى ارجعلى وضمنى .. لية ضاع حبنا مش كنت بتحبنى



جايز تكون نستنى وحبيت حد تانى .. لكن انا يا حبيبى مش عارفه احب تانى

ممكن اكون جرحتك وكان قلبى انانى .. لاكن ماليش حد بعدك ارجع لشوقى وحنانى

الدنيا بقت من غيرك ملهاش اى معانى

سيبالك وردة حلوة تفتكرنى بيها .. وكام رسالة وغنوه ياما اشقتنا ليها

انا فاكره يا حبيبى زمان .. وكل الشوق والحنان وايامنا ولياليها كمان

مع انك سبتنى ونستنى وبعتنى انا بعدك عايشه على وعدك وكأنك بتحبنى