اخر البنات المحترمات ((هام جدا))

بصو يجماعه التوبك ده عباره عن قصه من كذا حلقه هيا عجبتنى جدا ويارب تعجبكم وانا ان شاء الله ربنا يقدرنى وهنزل حلقتين كل يوم وهنزلها فى كذا منتدى من منتديات الجامعه للعبره مش ااكتر بس لجد يجماعه عاوزه رايكم فيها وبصراحه جدا عشان لومعجبتكمش ماتعبش نفسى ع الفاضى ويارب تعجبكم [ندعوك للتسجيل في المنتدى أو التعريف بنفسك لمعاينة هذه الصورة] مجموعه من الحلقات يوميا
يوميات هبه و احمد فى الصحوبيه

اخر البنات المحترمات

(دعوة لكى نقول لا للصحوبية)

..منقوله من احد المواقع الالكترونيه..

كتبتها: رفيف الخميسى

حكاية اتنين متصاحبين و ازاي الصحوبية بتاخدك خطوة بخطوة وراها
و الشيطان بيزينها للناس من غير ما يحسو حتى الناس المحترمة
عن طريق حكاية هبه واحمد وازاي عرفو بعض وحبو بعض في حلقات

يا رب تعجبكوا

الحلقه الاولى

المكان : كلية تجارة بأي جامعة في اي مكان في مصر

الوقت :اول يوم في الدراسة

الشخصيات:

احمد امام : "سقيط كبير" شاب في الثالثة والعشرين ولازال في السنة الثالثة بالكلية.

هبه ممدوح : فتاة في الثامنة عشرمدللة والديها صغيرتهم بعد شابين يكبرانها سنا في أول سنة لها بالجامعة, فتاة جميلة محجبة.

كريم : صديق احمد بالسنة الرابعة وهو طبعا اصغر من احمد.

شيرين : صديقة كريم واحمد ,بالسنة الثالثة , قريبة لهبه من بعيد.

********************

حديث يدور بين شابين يدخنان في الكافيتيريا في الكلية وهو مكان يكشف بقية ساحة الكلية

احمد وهو يلتفت بجسده وعينيه خلف فتاة تسير امامه نافثا دخان سيجارته

احمد: الدفعة الجديدة شكلها جامد مووووت.

كريم: ايوة يابني مش الغفر الي كانوا على ايام دفعتنا, ولا صحيح انت استقبلت دفعتنا والي قبلها والي بعدها ,وياتري بقي انت ناوي تنجح السنة ولا زي كل سنة.

احمد: ايه السيرة الغم دي , النهاردة اول يوم , خليك خفيف كده عشان احبك.

كريم: يييييييه اهي شيرين وصلت هخلع انا بقي عشان دي جايه كمان ومعاها واحدة صاحبتها.

كاد احمد ان "يخلع" مع كريم ولكنه رأي ان الفتاة التي مع شيرين من الدفعة الجديدة , ورأي أن من واجبه كأقدم واحد بالكلية ان يستقبل الدفعة الجديدة التي طبعا كانت حلوة ورقيقة.

*********************

هبه: انا خايفة يا شيري اني ميبقاليش اصحاب في الكلية.

شيرين: اهي دي بقي اخر حاجة ممكن تقلقك في مكان زي ده , دا احنا هنا بنقول هنودي الاصحاب فين .

هبه: لا ياستي بقولك ايه انا ماليش في الشلل , انا مبحبش قعدة البنات مع الصبيان , انا اخواتي قالولي......

شيرين: ياادي اخواتك الي عاملينلك وش في دماغك , يابنتي هنا عادي , الدنيا كلها اصحاب في بعض , انتي مش كان ليكي اصحاب صبيان في المدرسة.

هبه: ايوة , بس كلهم اصحابنا وجيراننا من زمان ومفيش منهم خوف لانهم كانو مصاحبين صاحباتي, وبعدين انا مكنتش برضه معاهم اوي انا مبحبش الجو ده.

شيرين بصوت خافت: انا قلت برضه انتي هتتعبيني.

ثم بصوت عالي : ايه ده كريم وايمو اهم .......هااااااي.

هبه تصيح وهي تحاول اللحاق بشيرين التي توجهت نحو الشابين : انتي رايحة فين؟ مش كنا هنجيب الجدول بتاعي؟.

*******************

اقتربت الفتاتان من احمد لان كريم كان قد غادر , عدل احمد من هندامه كما يفعل كلما قابل وجه جديد

ضربت شيرين بكفها علي كف احمد وهي تقول:

شيرين : ايمووو انت فين ياراجل .

رد عليها برتابة: في الدنيا هكون فين يعني ؟

شيرين :ايه الغلاسة دي وبعدين كريم ماله كده جري زي الي عليه فلوس لحد .

احمد: اصله افتكر واحد صاحبه كان مستنيه .

شيرين : اه.

احمد بتسبيل : مش تعرفينا .

شيرين : لا مش هعرفك ,مش سكتك خالص على فكرة .

شعرت هبه بالحرج من الكلام الذي يدور وحاولت ان ترد بأي شيء فصمتت

اخرجت شيرين تليفونها المحمول وطلبت رقماً:

شيرين: ايوه يا واطي ..... جريت ليه اول ما شفتني ........يا راجل ...

ومدت برجليها بعيدا قليلا عن احمد ومنى

احمد: انتي بقي سنة اولي ؟

احمد في رأسه* اكيد والا كنت شفتك .

هبه بخجل :اه

هبه في رأسها *يوه يا شيرين خلصي بقي.

احمد: معاكي الجدول ولا اجيبهولك .

هبه وقد ارتبكت : لا ... ماهي شيرين هتيجي معايا... يعني ..هنشوفه .

احمد: طب استني خليكي هنا.

وانطلق كالصاروخ مغادرا اياها ,في نفس الوقت الذي انهت فيه شيرين المكالمة

شيرين:الله؟ فين الواطي التاني؟

هبه : معرفش , قالي استني وجري و بعدين امسكى لسانك شويه ..

شيرين: هبه خاليكى كول يا ماما مفيهاش حاجه بلاش تحبكيها الحاجات دى دلوقتى مبقتش عيب سيبك دلوقتى قوليلى هو قالك انه راجع ولا قال ايه؟

هبه: مقالش حاجة يلا نمشي بقي.

شيرين : لا استني اهه, ماله بيجري كده ليه

وصل احمد لاهثاً ومد يده بورقة الي هبه

احمد: اتفضلي يا ستي , جدول سنة اولي.

نزعت شيرين الورقة من يده وهي تجذب يد هبه بعيدا

شيرين: متشكرين يا سيدي , بس ريح نفسك , قلتلك مش سكتك .

اعترض طريقهم قبل ان تغادرا

احمد : ايه ايه , رايحين فين ؟

شيرين : انت مش جبت الجدول , يلا باي بقي البنت جديدة وهلففها في الكلية.

تجاوزتاه وهو يتابعهما ببصره قائلا

احمد : اجي معاكو.

شيرين تهتف وهي تجر هبه ورائها جراً

شيرين : لا شكراً.

ظل احمد يتابعهما ببصرة وهو يقول في نفسه

*ودي مين دي يعني الي شيرين خايفة عليها اوي كده؟؟؟ , هتكون تفرق ايه عن البنات التانية؟؟؟.

هبه وهي تكاد تركض خلف شيرين , التي انطلقت وكأن كلب يجري خلفها

*ودا مين دا يعني الي شيرين خايفه عليا منه اوي كده , هي مش كانت بتقولي الناس هنا كلهم اصحاب عادي؟؟؟

[ندعوك للتسجيل في المنتدى أو التعريف بنفسك لمعاينة هذه الصورة] الحلقه الثانيه )) [ندعوك للتسجيل في المنتدى أو التعريف بنفسك لمعاينة هذه الصورة] ير احمد الفتاة مرة اخري وطبعا نسي(((

فالدفعة مليئة بالوجوه الجديدة التي كان مشغولا بالتعرف عليها,

فهو من أثارات كلية التجارة ,

مضى حوالي الاسبوع الي ان لمحها تسير بين فتاتين تتوجهان قرب الكافيتيريا وقرب مكانه العتيد بجانبها.

******************

لم تشغل هبه بالها بما حدث هذا اليوم كثيرا ولكنها احتفظت بالجدول ,

ورأت احمد عدة مرات بالكلية فهو لا ينفك يدور بالكلية يسلم علي اصدقائة من كل السنوات الدراسية ,

وكانت تشعر بالفضول كلما رأته خاصة

والسلوك الغريب الذي انتاب شيرين حين حاول التعرف عليها .

هاهو يقف بمكانه المعهود ,

لا ارجوكم دعونا لا نمر من جانبه ,

ييييه لقد رأني , تري ماذا سيفعل ؟,

هل سيشيح بوجهه بعيد , يا ربي انه يبتسم.

******************

ابتسم احمد فيما اقتربت الفتيات منه

وهن مستغرقات في الحديث الا هبه التي تعلقت عيناها بعينيه ,

فابتسم لها , اطلت من شفتيها ابتسامة مترددة ,

فانتبهت صديقتها ان هبه لا تسمعها فالتفتت لتري لمن تبتسم فقالت :

سارة: ايمو ازيك؟

احمد وهو لا يذكر اسم الفتاة التي تسلم عليه ولكن لم يبد عليه شيئاً

احمد: الحمد لله , ازيك انتي ؟

سارة:كويسة .

نظر الي هبه مباشرة في عينيها وقال :

احمد: ازيك؟.

تمتمت هبه بشيء في خفوت معناه الحمد لله فقالت سارة

سارة: ايه دا انتو تعرفة بعض؟

هبه :اه

بينما قال احمد :لا

فتورد وجهها احمراراً فسارع احمد يقول

احمد : قصدي اتعرفنا علي بعض بس منعرفش اسامي بعض

سارة: بسيطة ...احمد امام .....هبه ممدوح.

مد احمد يده *ايوه كده تمام

احمد:فرصة سعيدة.

مدت هبه يدها بتردد* انا مبحبش الي بيسلمو بالايد

هبه : شكراً.

ضغط احمد كفه برفق وفي سرعة على يدها اصابعها التي

بالكاد لامست يده وتركها سريعا كأن لم يضغط مما جعل وجهها يحمر قليلاً

احمد* اول مرة بنت تحمر عشان سلمت عليا

هبه *ايه الولد دا

*****************

بعد هذا اليوم بأيام رأي احمد منها , لم يرها صدفة ,

بل كان ينتظرها المدرج , وقد قارب موعد انتهاء محاضرتها ,

وقد لا حظ انها من هواة حضور المحاضرات,

وهذا شيء غريب على غير الصف الاول في الكلية ,

لم ينتظر كثيرا كان متوقفا مع "شلة" من اصحابه في السنة الثانية بالكلية

اذ لا حظ نزول الصف وبينهم هبه, لم يتحرك نحوها ,

بل توقف في مكان يراه فيه النازلين من المدرج , واثقا من انها ستراه فيه.

رأت هبه احمد , اول ما نزلت من المدرج وجدته امامها

واقفا يضحك ويهزر بصوت عال مع اصدقائه , تعلقت عيناها به بينما قالت سارة

سارة: الواد دا زي العسل انا يوم ماعرفته مبطلتش ضحك.

قالت فتاة اخري معهما

ميرنا: مين؟ ايمو؟ , دا زي القمر

انا كنت هموت عليه في اول اسبوع بس قالولي مالوش في السن الصغير.

سارة: انتي متعرفيش اصله كبير عننا اصلا دا بقالة ميت سنة بيسقط ,

قولي يمكن دلوقتى عنده 22 ,23 سنة.

ميرنا: تعالي تعالي نسلم عليه.

وتجاوزا هبه متوجهتان صوب احمد , وهي كالمصدومة خلفهما ,

الي اين هما ذاهبتان , لا , سأنصرف انا.

التفتت اليها سارة ملاحظة تجمدها في مكانها

سارة: فيه ايه يا بنتي متنحة ليه ؟ اتحركي.

هبه: بصي يا سارة روحو انتو وانا هطلب الاوردر في الكافيتريا

وانت تبقو تحصلوني اوكاي.

سارة: طيب مش هنتأخر.

وتوجهتا نحوه وسارة تسمع صوتهما :

ايمو , ازيك .

*انا ماليش دعوة عايزين يقفو معاه هما حرين انا ماليش في الناس الي بتسقط.

وقف احمد مترقبا هبه والحديث الذي يدور بين الفتيات من بعيد ,

يبدو انه عليه , فتعمد اعلاء صوته بالضحك والهزار ,

جيد ,ها هن الفتيات يقتربن , ما هذا ؟ لماذا تسمرت هبه؟

مالذي يحدث؟,لا لا لا الي اين هي ذاهبة؟

يا الله , لقد ذهبت ,غلا الدم في عروقه ,

لقد دنت منه فتاتين لا يذكر اسمهما حتى , ما هذا الحظ؟.

*ماشي يا هبه بتحلقيلي انا هوريكي , مش انا الي يتعمل معاه كدة

دول بقى اول حلقتين وبكرا حلقتين تانى لو ربنا ادانى عمر ويارب تعجبكم واسفه للاطاله بس القصه دى واقعيه بجد ومحدش يزعل منى

ناااااااااايس دى قصه جميله اوى يا مسلمه وياااريت تكمليها

بجد قصة جميلة بس عايزين نعرف الباقى

قصه جميله جدا يا مسلمه شكرا ليكى تقبلى مرورى

جميلة جدا ومستنين باقي القصة اوعى تنسينا

قصة جميلة اوى تسلم ايدك بس ياريت تتابعينا بباقي الحلقات
واوعي تنسينا

وبعدين ايه حصل تانى؟؟؟؟؟

» اخر البنات المحترمات ((هام جدا))222222
» اخر البنات المحترمات ((هام جدا )) 4444444
» اخر البنات المحترمات ((هام جدا )) 5555555
» حقيقه الشباب مع البنات
» احلام البنات