اخر البنات المحترمات ((هام جدا )) 5555555

الحلقه العاشره

هبه: هو فين البيت بقي , يوووووووووووه.
وقفت هبه تكاد تبكي ,لثالث مرة تدور في هذا الشارع ذهابا وايابا, لقد اخبرها احمد ان هذا هو العنوان, وهي متأكدة ان هذا هو المكان الذي شرحه لها, برج الرحمة , امام محل ملابس اطفال كوكو بارك, ها هو المحل يحتل ناصية كاملة تطل على شارعين, اين برج الرحمة؟ , سألت الناس ,ولم تصل الي شيء, ماذا عساها تفعل؟.

هبه*ياربي بقي , اعمل ايه دلوقتى؟,معادش الا عشر دقايق ,اتصل باحمد اسأله؟؟
لااااا, اهو كلو الا دا ,احمد ايه ؟ انتي اتجننتي؟
ايه هو الي لأ؟, امال هتعملي ايه يعني
لا مش هتصل بيه ابدا, انا اخري معاه انو اتصل اداني العنوان في السريع وقفل , خلاص انتهينا
اه واديكي تايهة اهه, خلاص بقي خليكي واقفة مكانك , وتعالي يوم التلات برضه اقفي مكانك
يباااااااي , طيب هتصل بيه , بس هي المرة دي بس
******************

أ*اخييييرا , دانا بقالي نص ساعة مستني تتصلي , كل دا بتقاوحي نفسك
احمد: السلام عليكم.
أ*يا واد ياجامد
هبه : عليكم السلام , احمد بقولك ايه انا مش عارفة البيت فين؟
أ*طب منا عارف
احمد: بيت ايه؟
هبه*دا وقت غباوة انت كمان
هبه : البيت الي فيه الدرس.
احمد: ا***ه, انتي فين دلوقتى ؟.
هبه: عند كوكو بارك.
احمد :هتلاقيه قدام المحل.أ*دوري من هنا لبكرة
هبه : قدامه ناصيتين ادخل من انهي شارع؟
احمد: ناصيتين؟؟ لا انا مش فاهم حاجه
*******************
هبه : منا مش عارفة ومفيش وقت.
احمد: طب بقولك ايه , انا قريب من المكان ,خليكي في مكانك , عشر دقايق وهكون عندك.
هبه: لأ , انت بس قولي ادخل منين.
احمد: ماهو انا الي فهمته من الي شرحلي المكان قولتهولك , بس انت استني, انا جاي , باي
*استنيني بقي
هبه: آ...آآآآ... انت يازفت , قفلت؟, الله يحرقك.
هبه*هعمل ايه انا دلوقتي ,انا كان ايه الي خلاني اتصل
ياستي اسكتي بقي , الحق عليه انه جاي يلحقك , اظبطي انتي شكلك المبهدل دا واعدلي نفسك كده
***************
وصل احمد متمخترا , يكاد ينفجر من الضحك وهو يري هبه واقفة كالتلميذ المضروب "علقة", ولا يبدو عليها انها فهمت شيئا من مخططه, وصل في الثامنة وعشر دقائق.
أ* ******************************
"مش قادر يتكلم من كتر ما بيضحك في دماغه"

**************
وقفت هبه تنظر يمينا ويسارا , وعيناها لا تفارقان الساعة التي كانت تتحرك ببطء شديد بالنسبة لوضعها منتظرة احمد, وبسرعة بالنسبة لميعاد الدرس.
هبه* اهه وصل , يادي الكسوف, لما نشوف هيحلها ازاي الفالح
الحلقه الحاديه عشر

احمد: معلش اتأخرت عليكي.
أ* انا قاصد الطعك
هبه: لا مفيش حاجه , عادي.
هبه* دانا كنت هتشل بقالي ربع ساعة
احمد: ادي ياستي كوكو بارك , ايه الي موقفك هنا بقي؟ ,البرج بعد ما نعدي العربيات , على الرصيف التاني.
أ* ايوه ,قدام عنيكي يا عميا
هبه: رصيف تاني؟؟!! , انت مش قلت انه تاني شارع اول عمارة, قدام كوكو بارك؟؟.
هبه*نعم ياخويا؟؟؟
احمد:على الناصية , قدام كوكو بارك , يعني تعدي العربيات.
أ* وكنت عارف انك غبية وهتفهميها على كيفك , زي منا عايز برضه
هبه وهي تكاد تنفجر غضبا
هبه: منا مكنتش عارفة ان قدام كوكو زفت فيه شارع رئيسي وشارع جانبي, طبعا مجاش في بالي اني اعدي الناحية التانية.
هبه*انا اصلا مفهمتش منك حاجة ساعة ما شرحتلي
احمد: معلش انا اسف مفهمتكيش كويس.
أ*وانتي شربتيها ,هتروحي مني فين؟
نظر احمد في ساعته متظاهرا الانزعاج
احمد: احنا اتأخرنا جامد ,دي الساعة بقت 8 وربع.
أ* قدامي يا فالحة
هبه: طيب بسرعة بقي.
هبه* انا همشي معاه في الشارع لوحدنا ازاي دا , يا ارض انشقي وابلعيني
************
مشت هبه بجانب احمد وبينهم مسافة كبيرة وكأنهم لا يسيران سويا, بينما سار احمد لا يتكلم وكأنه لا يعنيه ان كانت تسير بجانبه او في شارع تاني ,وان كان يحاول اظهار نفسه بمظهرالمؤدب.
وصلا للمكان في اقل من دقيقتين .
احمد: اهه البرج .
قرأت هبه على مدخل البرج
هبه: برج الرحمة, اخيرا.
التفتت هبه اليه,وزفرت قائلة
هبه: انا مش عارفة اشكرك ازاي .......؟؟, شكرا بجد.
هبه* مع انك لففتني السبع لفات بس شكرا
احمد: تشكريني على ايه يا هبه ؟ انتي عبيطة؟
أ* انتي لسه شفتي حاجة
وقبل ان ترد عليه استعدادا للصعود , سمعا اصوات لشباب يخرجون من المصعد , فالتفتا ينظران ناحية مصدر الصوت ,حتى وصل اصحاب الصوت اليهم
احمد: حسان .
صاح احمد وسلم على الشاب الاول , ثم على الفتاتين الاتيتين معه, بينما وصل مجموعة اخرى من الشباب ينزلون على السلم, وسلم معظمهم على احمد بينما هبه تكاد تنكمش من الاحراج, لقد تعرفت علي معظمهم , وكيف لا وهم جميعا سنة اولى , اي زملائها بالكلية.
هبه* يانهار ابيض, انا ايه الي بيحصلي ده , وقال انا الي خايفة حد يشوفني معاه في الشارع, يقومو يشوفوني في مدخل العمارة الي فيها الدرس بتاعي كأنه صاحبي وبيوصلني, يادي الفضيحة
احمد: انتو كنتو عند وائل صح؟
حسان: اه , مجموعة تمانية , بس هو خلص في السريع ,انتي كنتي طالعة يا هبه ولا المجموعة الجاية؟
لم يبد على هبه انها تستطيع الكلام اصلا فقد كانت ممتقعة جدا, حتى ان احمد رد بدلا منها
احمد: لا كانت طالعة المجموعة دي, هو نزلكو بسرعة ليه؟
أ* هي هيجيلها سكتة قلبية اصلا ,******************هه
حسان: دا بس كان بيتعرف علينا وكده وبيظبط الدنيا وهنبدأ المرة الجاية.
أ* طب منا كنت عارف انه بيعمل كده
التفت حسان الي هبه قائلا
حسان: متخافيش ياهبه مفاتكيش حاجة, بس تعالي المرة الجاية بدري ؟
تململت الفتاتين الاتيتين مع حسان فقال
حسان: ماشي يا ايمو , سلام انا عشان اوصل الجماعة , اشوفك في الكلية.
ثم ضرب على كتفه وهو يغادر مسرعا قائلا وهو يبتسم
حسان: متبقاش تأخرها المرة الجاية , سلام.
وقع قوله على هبه كالصاعقة التي افقدتها النطق.
هبه*هي مين دي الي ما يأخرهاش ؟ّّّّّ!!! , يا نهار اسود ومهبب
أ****************************************
التفتت احمد الي هبه بعد رحيل الجميع وهو يجاهد للسيطرة على ابتسامة تقاوم شفتيه, محاولا ابداء الاسي على وجهه
احمد: انا اسف يا هبه بجد, فاتتك الحصة دي.
أ*المرة الجاية مش هأخرك , ************ه
هبه كالمصدومة
هبه: انا عايزة اروح.
هبه*روح يا شيخ الله يسامحك
احمد: حاضر ,تعالي اركبك تاكسي
أ* انا قلتلك مش هتيجي بمزاجك هجيبك غصبن عنك
هبه: لا شكرا , انا هعرف اركب تاكسي.
هبه* ابعد عني الله يسترك, كفايه كده
احمد : طيب براحتك,انا همشي , سلام.
أ*براحتك يا مزة , بس انتي خلاااااص, كل الناس عرفت انك تبعي , كفاية عليكي كده النهاردة لحسن تموتي مني
هبه:.........
هبه*انا ايه ياربي الي بيحصلي ده
التفتت هبه واختفت من امامه بسرعة وكأن شبحا يطاردها بينما توقف هو يراقبها معجبا بنفسه, وكيف ان الامر كله حدث كما خطط له تماما.
أ*خلاص يا هووبه , هانت , اصل هتعملي ايه والحكاية لابساكي لابساكي؟, مسيرك هتسلمي, والزن على الودان امر من السحر , منا هجيبك هجيبك يامدوخاني
هبه*.............................................. .. ...........
" عاجزة عن التفكير تماما من الصدمة "

********************

تسلم ايدك وفعلا المفروض الواحد يكون حريص شوية

لالالا قصه ممتازة اوى يا مسلمه

» اخر البنات المحترمات ((هام جدا))
» اخر البنات المحترمات ((هام جدا))222222
» اخر البنات المحترمات ((هام جدا )) 4444444
» البنات هما ايه؟
» احلام البنات